Java SE 8

၂၀၁၃ခု ၄လပိုင်းလောက်ကတည်းက Java SE 8 အကြောင်းကို ရေးသားခဲ့ဘူးပါသည်။ ထိုစဉ်က Java 8 မှာတရားဝင် Release မလုပ်သေး။ တခြားအလုပ်တွေ ရေးချင်တာတွေများနေတဲ့အတွက် ဆက်ပြီး မရေးဖြစ်ခဲ့ပါ။ ၂၀၁၄ ခု ၃လပိုင်း ၁၈ရက်၊ Java 8 ကို တရားဝင် Release လုပ်ခဲ့ကြ၏။ Java SE အကြောင်း စာအုပ်ရေးနေသောကြောင့် မစဖြစ်သေးပါ။ အခုတော့ ရေးနေတဲ့ စာအုပ်ကလည်း Java API အကြောင်းကို တဝက်ခန့်ရောက်လာခဲ့ပြီ။ Concurrency နဲ့ IO အကြောင်းရေးပြီးလျှင် ပြီးပြီ။ အရင်ရေးနေတုန်းကတော့ Java SE 7 ကို အခြေခံပြီး ထုတ်မလို့ပါပဲ။ ဒါပေမယ့် ပြီးခါနီးကျမှ လောဘတက်လာပြီး၊ Java 8 ကိုအခြေခံရန် ဆုံးဖြတ်လိုက်ပါသည်။

Java SE 8 တွင်ပါဝင်သော အကြောင်းအရာများမှာ အောက်ပါအတိုင်း ဖြစ်ကြပါသည်။

• Project Lambda
• Date & Time API
• HotSpot နှင့် JRokit VM တို့အား ပူးပေါင်းစေခြင်း
• Type Annotation
• Compact Profile
• Java FX 8
• Nashorn

Project Lambda

Java SE 8 တွင် အာရုံအစိုက်ခံရဆုံး Function ဟု ပြောပါက Project Lambda ဖြစ်သည်။

Lambda Expression အား ထည့်သွင်းခဲ့ရုံသာမက၊ Interface ၏ Default Function အစရှိသည့် Language ပိုင်းဆိုင်ရာပြောင်းလည်းမှု့နှင့် Stream API အစရှိသည်တို့သည် အတော်လေးအပြောများခဲ့သော အစိတ်အပိုင်းများ ဖြစ်ခဲ့ကြ၏။

Project Lambda ဖြင့် သတ်မှတ်ခဲ့သော JEP တို့မှာ အောက်ပါအတိုင်း ဖြစ်ကြပါသည်။

• JEP 126 Lambda Expressions & Virtual Extension Methods
• JEP 160 Lambda-Form Representation for Method Handles
• JEP 107 Bulk Data Operations for Collections
• JEP 109 Enhance Core Libraries with Lambda

Date & Time API

Date & Time API သည် java.util.Date နှင့် java.util.Calender တို့အား အစားထိုးရန် ရည်ရွယ်ထားသော နေ့ရက်၊ အချိန်တို့အား အသုံးပြုနိုင်သည့် API အသစ် ဖြစ်ပါသည်။ Date & Time API ၏ အသုံးပြုပုံနှင့် လုပ်ဆောင်ချက်တို့အား JSR 310 ဖြင့် သတ်မှတ်ခဲ့ကြပါသည်။

ယနေ့တိုင်အသုံးပြုခဲ့သော Date နှင့် Calender တို့သည် ဖန်ရှင်မှာလည်း မလုံလောက်ခဲ့သလို အသုံးပြုရလည်း ခက်ခဲခဲ့ပါသည်။ အဲ့ဒီအားနည်းချက်များအတွက် Date & Time API တွင် ဖန်ရှင် အသစ်များအား ပံ့ပိုးလာခဲ့ပါသည်။ အဲ့ဒီအတွက် Class ဖွဲ့စည်းပုံမှာ အနည်းငယ် ရှုပ်ထွေးပါသည်။

• JEP 150 Date & Time API

HotSpot နှင့် JRokit VM တို့အား ပူးပေါင်းစေခြင်း

Sunmicro System မှ ရေးသားခဲ့သော HotSpot VM နှင့် Oracle ၏ JRockit တို့၏ ပူးပေါင်းမှု့အား Java SE 7 ကတည်းက လုပ်ဆောင်ခဲ့သလို Java SE 8 တွင်လည်း ဆက်လက်၍ လုပ်ဆောင်ခဲ့ကြပါသည်။ ပူးပေါင်းရာတွင် VM အား ရေးသားသည့် အပိုင်းနှင့်၊ Tool တို့အား ရေးသားသည့် အပိုင်းတို့ပါဝင်ကြပါသည်။

VM အား ရေးသားသည့် အပိုင်းကို Open JDK ဖြင့် ဆောင်ရွက်ခဲ့၏။ သို့ရာတွင် Tool ၏ အစိတ်အပိုင်းအချို့သည် Open JDK တွင် မပါဝင်ပဲ Oracle ၏ JDK ၌သာပါဝင်ပါသည်။ ဥပမာအားဖြစ် Flight Recorder သည် Open JDK တွင်မပါဝင်ပဲ Oracle ၏ JDK ၌သာ ပါဝင်၏။

VM အား ရေးသားသည့်အပိုင်းတွင်လည်း HotSpot VM တွင်အသုံးပြုခဲ့သော Permanent Generation Memory သည် နောက်ပိုင်းတွင်မပါဝင်တော့ပါ။ Permanent Generation Memory ဖြင့် ထိမ်းသိမ်းခဲ့သော Class Information တို့အား Heap Memory နဲ့ Native Memory တို့ဖြင့် ထိမ်းသိမ်းပေးပါသည်။

• JEP 122 Remove the Permanent Generation

Type Annotation

Type Annotation အား အသုံးပြုလာနိုင်သောကြောင့် ယနေ့တိုင်ရေးသား၍မရခဲ့သော Generics ၏ Type Parameter တို့တွင် Annotation အား ရေးသားလာနိုင်ပါသည်။ Type Annotation အား အဓိကအားဖြင့် Code များ၏ Static Analysis တွင် အသုံးပြုပါသည်။

တဖန် Annotation တစ်ခုအား အကြိမ်ကြိမ် အသုံးပြုနိုင်သော Repeating Annotation ကိုလည်း အသစ်ဖြည့်စွက်ခဲ့ပါသည်။

• JEP 104 Annotations on Java Type
• JEP 120 Repeating Annotations

တစ်ဘက်တွင် Annotation အား Analysis လုပ်ရာတွင် အသုံးပြုခဲ့သော apt အား ရပ်နားခဲ့ပါသည်။

• JEP 117 Remove the Annotation-Processing Tool

Compact Profile

Java 8 တွင် Java SE အပြင် Java ME ကိုလည်း အကြီးအကျယ်ပြောင်းလည်းစေခဲ့ပါသည်။ Java ME တွင် Resource အား များစွာအသုံးပြုနိုင်သော စက်ကရိယာများဖြစ်သော အားရည်ရွယ်သော CDC နှင့်၊ Resource နည်းသောစက်များဖြစ်သော CLDC ဟု နှစ်ပိုင်းရှိပါသည်။

Java 8 တွင် CDC နှင့် Java ME Embedded တို့အားပူးပေါင်းစေခဲ့ပါသည်။ Java ME Embedded အသစ်သည် Rasberry Pi နှင့် Smart Phone တို့အား ရည်ရွယ်၍ ရေးသားခဲ့ပါသည်။

Java SE ၏ ဖန်ရှင်များအားလုံးကို အသုံးပြုနိုင်ရန် Memory အတော်များများ လိုအပ်ပါသည်။ ထို့အတွက် Java SE 8 တွင် အသုံးပြုနိုင်သော API အား ကန့်သတ်နိုင်သည့် Compact Profile အား ဖန်တီးလာခဲ့ကြ၏။ အသေးငယ်ဆုံး Compact 1 တွင်အသုံးပြုသော Library Jar ၏ပမာဏသည် 14 M သာရှိပါသည်။

အမှန်အတိုင်းဆိုလျှင် Compact Profile သည် Project Jigsaw ၏ အစိတ်အပိုင်းတစ်ခုဖြစ်သော်လည်း၊ Project Jigsaw ထက်အရင် Compact Profile အား Java SE 8 တွင် Release လုပ်လာခဲ့ခြင်း ဖြစ်ပါသည်။

• JEP 161 Compact Profiles
• JEP 162 Prepare for Modularization
• JEP 148 Small VM

Java FX 8

Swing ၏ အစားထိုး API တစ်ခုဖြစ်သော Java FX သည် Java SE 8 မှစ၍ Open JDK ၏ အစိတ်အပိုင်းတစ်ခု ဖြစ်လာပါသည်။ Java FX 8 တွင် 3D နှင့် Print Function များအပြင် Swing တွင်မပါဝင်သော Date Picker တို့ကိုလည်း အသစ်ဖြည့်စွက်လာခဲ့ပါသည်။

• JEP 153 Launch JavaFX Applications

Nashorn

Nashorn သည် Rhino အား အစားထိုးရန်ရေးသားထားသော Javascript Engine တစ်ခုဖြစ်ပါသည်။ Invoke Dynamic အား နေရာအတော်များများတွင် အသုံးပြုထားပြီး Performance ပိုင်းဆိုင်ရာတွင် တိုးတက်မှု့ရှိစေရန် ဆောင်ရွက်ထားပါသည်။

• JEP 174 Nashorn JavaScript Engine

ဤတစ်ခေါက်တွင် Java SE 8 တွင်ပါဝင်သော အစိတ်အပိုင်းများအား အကြမ်းဖျဉ်းဖော်ပြခဲ့၏။ နောက်ဘလောဂ်များဖြင့် Project Lambda ၏ အသုံးပြုပုံများအား ဆက်လက်ဖော်ပြသွားပါဦးမည်။


ကိုးကား
http://itpro.nikkeibp.co.jp/article/COLUMN/20140212/536246/?ST=develop&P=1

ဆက်ပါဦးမည်

လေးစားစွာဖြင့်

မင်းလွင်