May 31, 2014

စတင်ခြင်း

ပြီးခဲ့တဲ့ တစ်ခေါက် Sunday Seminar မှာ CDI အကြောင်းပြောဖို့လုပ်တယ်။ ဒါပေမယ့် မအားတာနဲ့ ပြင်ဆင်ချိန် သိပ်မရလိုက်ဘူး။ နမှုနာလေးတစ်ခုရေးမယ်ဆိုပြီး ဒီအပလီကို စရေးဖြစ်ပါတယ်။ CDI ကို အဓိကထားပြီး JavaFX နဲ့ RESTFul Web Service ကို သုံးမယ်ပေါ့။ တစ်ချက်ခုတ် နှစ်ချက်ပြတ်ဆိုပြီး သင်တန်းအတွက် ကျောင်းသားစာရင်းသွင်းတဲ့ အပလီကို ရေးမယ် ဆုံးဖြတ်ပါတယ်။ ပြီးရင်လည်း ပြန်သုံးရအောင်လို့ပါ။

အစကတော့ လိုအပ်ချက်တွေကို ပြင်ဆင်ပါတယ်။

  • သင်တန်းအသစ်တွေ၊ အတန်းအသစ်တွေ၊ အချိန်အသစ်တွေ ဖြည့်ရမယ်။
  • ကျောင်းသားအသစ်တွေလက်ခံနိုင်ရမယ်
  • သင်တန်းကို လက်ခံနိုင်ရမယ်
  • ကျောင်းသားတွေကို ကျောင်းလခခွဲပြီး လက်ခံနိုင်ရမယ်
  • လက်ရှိ ဝင်ငွေထွက်ငွေကို ကြည့်နိုင်ရမယ်
ဒီအပလီကို နောက်ပိုင်းမှာ ချဲ့ချင်ရင် ချဲ့နိုင်အောင် တတ်နိုင်သလောက်တော့ ဒေတာဘေစ်ကို အရှင်းဆုံးထားမယ်ဆုံးဖြတ်ထားပါတယ်။ JavaFX ကို သုံးတဲ့အတွက် SceneBuilder နဲ့ View တွေကို မြန်မြန် ရေးနိုင်ခဲ့ပါတယ်။ 

View တွေကတော့ 
  • သင်တန်းသားအသစ်လက်ခံတဲ့ Registration
  • ကျောင်းသားတွေကို ကြည့်နိုင်မယ့် Students
  • ဝင်ငွေထွက်ငွေတွေကို ကြည့်နိုင်မယ့် Balance
  • Master Data တွေကို Management လုပ်မယ့် Admin

Registration View

ဒီ View ကတော့ သင်တန်းသားအသစ်တွေကို လက်ခံတဲ့ View ပါ။ ရှိပြီးသားကျောင်းသားတွေကလည်း သင်တန်းအသစ် ပြန်တက်ချင်တက်မယ်။ တစ်ခါမှ မလာဘူးတဲ့ ကျောင်းသားအသစ်တွေလည်းပါမယ်။ ဒီမှာ လုပ်နိုင်တာက Register တစ်ခုပါပဲ။ သင်တန်းသားအသစ်ဆိုရင် ကျောင်းသား (Student) နဲ့ အတန်းကော၊ လက်ခံရရှိငွေစာရင်း(Bill) ကိုပါ Registration လုပ်မယ်။ သင်တန်းသားအဟောင်းဆိုရင်တော့ Bill နဲ့ အတန်းကိုပဲ Registration လုပ်ပါမယ်။
စစချင်းပေါ်နေရမှာက Student List နဲ့ Registration Form တို့ပါပဲ။ ဆွဲထားတဲ့ ပုံစံက အောက်ပါအတိုင်း ဖြစ်ပါတယ်။




Students View

ဒီစာမျက်နှာက ကျောင်းသားတွေကို Management လုပ်မယ့် စာမျက်နှာပါ။ ကျောင်းလခရှင်းရန် ကျန်သေးတဲ့ ကျောင်းသားတွေကို မြန်မြန်တွေ့ရင် အသုံးဝင်မယ် စဉ်းစားပါတယ်။ ကျောင်းလခတွေကို ခွဲသွင်းနိုင်ရမယ်။ Personal Information တွေကို ပြုပြင်နိုင်ရမယ်။ ကျောင်းသားရဲ့ ငွေသွင်းခဲ့တဲ့ History ကို ကြည့်နိုင်ရမယ်။ အဓိက အလုပ်လုပ်မှာက ကျောင်းလခသွင်းတဲ့အလုပ်ရယ်၊ ကျောင်းသားရဲ့ Information တွေကို ပြင်တဲ့အလုပ်ပါ။ ရေးထားတဲ့ View ကတော့ အောက်ပါအတိုင်း ဖြစ်ပါတယ်။




Balance


ဒီစာမျက်နှာကတော့ ဝင်ငွေထွက်ငွေကို ကြည့်နိုင်မယ့် စာမျက်နှာပါ။ ဒီစာမျက်နှာမှာတော့ ဘယ်ရက်ကနေ ဘယ်ရက်အထိ ဝင်ငွေထွက်ငွေတွေကို တစ်ပြိုင်နက်တည်း ကြည့်နိုင်ရမယ်။ ပြီးတော့ အသုံးငွေတွေကိုလည်း စာရင်းသွင်းနိုင်ရမယ်ပေါ့။ ရေးထားတဲ့ပုံက အောက်ပါအတိုင်း ဖြစ်ပါတယ်။



Admin View

ဒီ View မှာတော့ အပလီမှာသုံးမယ့် Master Data တွေကို Management လုပ်မှာပါ။ အဲ့ဒီမှာ သင်တန်း အချိန် (Time Table)၊ သင်ခန်းစာအတန်း (Course) နဲ့ အတန်း (Class) တွေကို အသစ်ဖြည့်စွက်မယ်၊ ပြုပြင်နိုင်ရမယ်။ အားလုံးကို စာမျက်နှာတစ်ခုထဲမှာ ကြည့်ချင်တဲ့အတွက် Tab View ကို သုံးမယ် စဉ်းစားပါတယ်။ Sub View က သုံးခုရှိပေမယ့် ဖွဲ့စည်းပုံကတော့ အခြေခံအားဖြင့် အတူတူပါပဲ။ Input Form တစ်ခုရယ် Table View တစ်ခုရယ် ဒါပဲပါပါလိမ့်မယ်။ သူ့မှာကတော့ Create နဲ့ Update ပါပါလိမ့်မယ်။



View အတွက်ကတော့ ဒီလောက်ပါပဲ။ ဒီထဲမှာ XML ဖိုင်အရှည်ကြီးတွေတွေ့တော့ လန့်မသွားပါနဲ့။ အဲ့ဒါတွေဟာ ကျွှန်တော်ရေးထားတာမဟုတ်ပါဘူး။ Scene Builder ကိုသုံးပြီး Drug And Drop နဲ့ ရေးထားတာပါ။ XML ဖိုင်ကတော့ သူ့ဟာသူ Generate လုပ်ပေးတာပါ။ နောက်နေ့တွေမှပဲ Database Design ရေးပုံနဲ့ အပလီကုဒ်ရေးပုံတွေကို ဆက်ပြီးဖော်ပြသွားပါဦးမယ်။

လေးစားစွာဖြင့်
မင်းလွင်

No comments:

Post a Comment